Azərbaycanın futzal millisi bu gün Xorvatiya ilə qarşılaşacaq
Bakı, 15 aprel, AZƏRTAC
Futzal üzrə Azərbaycan milli komandası bu gün Avropa çempionatının əsas seçmə mərhələsində sonuncu oyununu keçirəcək.
AZƏRTAC xəbər verir ki, 5-ci qrupda yer alan yığma Bakıda Xorvatiya seçməsi ilə qarşılaşacaq.
Bakı İdman Sarayında təşkil olunacaq görüş saat 20:00-da başlayacaq. Qarşılaşmanı Kiprdən olan hakimlər briqadası idarə edəcək.
Qeyd edək ki, Xorvatiya seçməsi qrupda 15 xalla liderdir. Azərbaycan millisi isə 2 xalla sonuncu – dördüncü sıradadır.
Bölmənin digər xəbərləri
