Azərbaycanın güləş millisi Avropa çempionatına Qaxda hazırlaşır
Bakı, 29 may, AZƏRTAC
Sərbəst güləş üzrə Azərbaycanın U-20 millisi növbəti təlim-məşq toplanışına start verib.
Azərbaycan Güləş Federasiyasından AZƏRTAC-a verilən məlumata görə, yığma mayın 28-dən iyunun 11-dək Qax Olimpiya İdman Kompleksində ümumi və xüsusi fiziki hazırlıq üzrə toplanış keçəcək.
İyunun 30-dan iyulun 6-dək İtaliyanın Kaorle şəhərində baş tutacaq Avropa çempionatına hazırlıq xarakteri daşıyan toplanışda böyük məşqçi Arif Abdullayev, məşqçilər Rövşən Hacıyev və Nazim Əlicanovun rəhbərliyi altında Vasif Bağırov, Sədrəddin Həsənov, Hüseyn Hüseynov (hamısı 57 kiloqram), Zamin Məmmədov, Bəşir Verdiyev (hər ikisi 61 kiloqram), Hacı Kərimov, Elcan İsmayılzadə (hər ikisi 65 kiloqram), İsmayıl Rəhimli, Nurlan Ağazadə (hər ikisi 70 kiloqram), Omar Gülməmmədov, Fazil İsmayılzadə (hər ikisi 74 kiloqram), Muradxan Omarov (79 kiloqram), Məhəmməd Abbaszadə, Təbriz Bayramov, Vasif Xudiyev (hamısı 86 kiloqram), Anar Cəfərli, Şəmistan Axundov (hər ikisi 92 kiloqram), Rəvan Musayev (97 kiloqram), Yusif Dursunov və Muxamad Qantemirov (hər ikisi 125 kiloqram) iştirak edir.
Bölmənin digər xəbərləri
