Azərbaycanın iki güləşçisi İslamiadanın finalına yüksəlib
Bakı, 19 noyabr, AZƏRTAC
Azərbaycanın iki güləşçisi Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında finala yüksəlib.
AZƏRTAC xəbər verir ki, qadın güləşçi Jalə Əliyeva (57 kiloqram) yarımfinalda qırğızıstanlı Sezim Jumanazarovaya "tuş"la qalib gəlib. Yunan-Roma güləşçisi Murad Əhmədiyev (97 kiloqram) isə türkiyəli Beytullah Kayışdağı 5:1 hesabı ilə məğlub edərək həlledici mərhələdə iştirak hüququ qazanıb.
Yarımfinalda özbəkistanlı Aktenge Keunimjayevaya uduzan Elnurə Məmmədova (50 kiloqram) isə bürünc medal uğrunda görüşdə qüvvəsini sınayacaq.
Qeyd edək ki, hələlik yunan-Roma güləşi üzrə Azərbaycan millisinin aktivində bir gümüş mükafat var. Yeganə medalı Həsrət Cəfərov (67 kiloqram) qazanıb.
Bölmənin digər xəbərləri
