Azərbaycanın Latviyadakı səfirliyi bəyanat yayıb
Riqa, 4 oktyabr, AZƏRTAC
Azərbaycanın Latviyadakı səfirliyi ermənilərin son təxribatları ilə əlaqədar bəyanat yayıb.
AZƏRTAC xəbər verir ki, bəyanat Latviya ictimaiyyəti (Latviya XİN, Latviya Seymi və sair) və ölkə mətbuatının nümayəndələri arasında geniş yayılıb, habelə səfirliyin rəsmi veb-səhifəsi, “Facebook” və “Twitter” səhifələrində yerləşdirilib.
Bəyanatda Azərbaycanın Dağlıq Qarabağ və 7 ətraf rayonunun 30 ilə yaxın işğal altında qalması, Azərbaycana qarşı həyata keçirilən etnik təmizləmə siyasəti, bir milyona yaxın soydaşımızın öz torpaqlarından qaçqın düşməsi, Xocalı soyqırımı, uzun illər sülh danışıqlarının bir nəticə verməməsi və münaqişəyə dair BMT Təhlükəsizlik Şurasının müvafiq qətnamələrinin yerinə yetirilməməsi, habelə Ermənistanın hərbi-siyasi rəhbərliyinin son təxribatları, ölkəmizin öz suverenliyi və beynəlxalq səviyyədə tanınmış ərazi bütövlüyünün bərpası uğrunda əks-hücum əməliyyatlarına başlaması, Avropa İttifaqının Azərbaycanın ərazi bütövlüyünün dəstəklənməsində passivlik göstərməsi kimi fikirlər yer alıb.
Bəyanata keçid bu link vasitəsilə mümkündür:
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
