Azərbaycanın milli bayramı - 28 May – Respublika Günü Stokholmda qeyd edilmişdir
Bakı, 30 may (AZƏRTAC). Stokholmda İsveç Azərbaycanlıları Konqresinin (İAK) təşkilatçılığı ilə ölkəmizin milli bayramı 28 May - Respublika Günü münasibətilə bayram tədbiri keçirilmişdir.
Diasporla İş üzrə Dövlət Komitəsindən AZƏRTAC-a bildirmişlər ki, konqresin sədri Emil Mirzəyev müsəlman Şərqində ilk demokratik respublika olan Azərbaycan Xalq Cümhuriyyətinin (AXC) yaranma tarixindən danışmışdır. Bildirmişdir ki, bu gün “Eurovision-2012” mahnı müsabiqəsinə ev sahibliyi edən Bakı o dövrdə də bölgənin siyasi, iqtisadi və mədəni həyatında vacib rola malik olmuşdur.
İAK-ın sədr müavini Elyar Məhərrəmov təmsil etdiyi qurumun iki yaşının qeyd edildiyini diqqətə çatdırmışıdır. O, qısa bir zamanda İAK-ın azərbaycanlıların İsveç cəmiyyətinə inteqrasiyası, bu ölkədə yaşayan soydaşlarımızın maraqlarının müdafiə edilməsi, eləcə də Azərbaycanın zəngin və qədim mədəniyyətinin İsveçdə təbliğ olunması istiqamətindəki xidmətlərini xüsusi vurğulamışdır.
Bölmənin digər xəbərləri
