Azərbaycanın qadın voleybolçulardan ibarət millisi İslamiadaya Bakıda hazırlaşır
Bakı, 27 oktyabr, AZƏRTAC
Qadın voleybolçulardan ibarət Azərbaycan millisi noyabrda Səudiyyə Ərəbistanının paytaxtı Ər-Riyadda keçiriləcək VI İslam Həmrəyliyi Oyunlarına hazırlıqlara başlayıb.
Azərbaycan Voleybol Federasiyasından AZƏRTAC-a bildirilib ki, təlim-məşq toplanışı “Milli Aviasiya Akademiyası” klubunun idman zalında keçirilir.
Yığmanın heyətinə 12 voleybolçu cəlb olunub. Hazırlıq prosesinə baş məşqçi Faiq Qarayev rəhbərlik edir və ona məşqçilər Famil Ağayev, Ziya Rəcəbov, Emin Əbilov kömək edirlər.
Komanda qarşıdakı günlərdə bir neçə yoxlama oyunu keçirəcək.
Qeyd edək ki, Azərbaycan millisinin VI İslam Həmrəyliyi Oyunlarındakı rəqibləri yaxın günlərdə açıqlanacaq.
Bölmənin digər xəbərləri
