AZƏRBAYCANIN “SPARTAK” CƏMİYYƏTİNİN TƏCRÜBƏSİNƏ YÜKSƏK QİYMƏT VERİLDİ
Moskvada “Spartak” beynəlxalq cəmiyyətləri rəyasət heyətinin iclasında eyniadlı Azərbaycan cəmiyyətinin təcrübəsi yüksək qiymətləndirilmişdir. Gənclər, İdman və Turizm Nazirliyindən AzərTac-ın müxbirinə bildirmişlər ki, iclasda çıxış edən rəyasət heyətinin sədri Anna Alyoşina “Spartak” cəmiyyətinin üçillik fəaliyyətinin yekunlarından danışaraq, respublikamızın “Spartak” cəmiyyətinin əhalinin müxtəlif təbəqələri, o cümlədən əlillər arasında idman hərəkatının genişləndirilməsində müsbət rolunu qeyd etmişdir.
Xatırladaq ki, “Spartak” İdman cəmiyyətləri MDB-nin 5 dövlətində -Rusiya, Ukrayna, Azərbaycan, Belarus və Qırğızıstanda fəaliyyət göstərir. Azərbaycanın bu idman cəmiyyəti rabitə, mədəniyyət, vergilər, əmək və əhalinin sosial müdafiəsi nazirliklərinin əməkdaşları arasında mütəmadi olaraq spartakiadalar, müxtəlif idman–sağlamlıq tədbirləri keçirir.
Bölmənin digər xəbərləri
