Azərbaycanın turizm potensialı Londonda keçiriləcək beynəlxalq sərgidə nümayiş olunacaqdır
Bakı, 30 oktyabr (AZƏRTAC). Noyabrın 7-dən 10-dək Londonda “World Travel Market 2011” beynəlxalq turizm sərgisi keçiriləcəkdir.
Mədəniyyət və Turizm Nazirliyindən AZƏRTAC-a bildirmişlər ki, sərgidə Azərbaycanı nazirliyin əməkdaşlarından və ölkəmizdə fəaliyyət göstərən turizm şirkətlərinin nümayəndələrindən ibarət heyət təmsil edəcəkdir.
Beynəlxalq sərgidə ölkəmizin turizm potensialı icarəyə götürülmüş 60 kvadratmetrlik pavilyonda nümayiş olunacaqdır. Burada ölkəmizin görməli yerləri, mədəni-tarixi abidələri, mehmanxana və turizm obyektləri xüsusi reklam çap məhsulları vasitəsilə təbliğ ediləcəkdir. Ziyarətçilərə paylamaq üçün ingilis və rus dillərində reklam-çap məhsulları hazırlanmışdır.
Qeyd edək ki, Azərbaycan bu sərgidə 2001-ci ildən etibarən mütəmadi olaraq təmsil olunur.
Bölmənin digər xəbərləri
