AZƏRBAYCANIN TURİZM ŞİRKƏTLƏRİ MOSKVA SƏRGİSİNDƏ İŞTİRAK EDƏCƏKDİR
Azərbaycanda fəaliyyət göstərən 14 turizm şirkəti və mehmanxana kompleksinin təmsilçiləri martın 27-30-da keçiriləcək “Səyahət və turizm-2002” beynəlxalq turizm sərgisində iştirak etmək üçün Moskvaya yola düşmüşlər.
Gənclər, İdman və Turizm Nazirliyinin mətbuat mərkəzindən bildirmişlər ki, nümayəndə heyətinə nazir Əbülfəz Qarayev başçılıq edir. Bu cür sərgilərdə ilk dəfə iştirak edən nazirliyin və turizm şirkətlərinin fəaliyyəti vahid stenddə təqdim olunacaqdır.
Sərgi iştirakçılarına və qonaqlara ölkəmizin müxtəlif tarixi, mədəniyyət və təbiət abidələri, füsunkar təbiət guşələri haqqında videolentlər, kompakt disklər və digər təbliğat vasitələri nümayiş etdiriləcəkdir.
Bölmənin digər xəbərləri
