AZƏRBAYCANIN UŞU-SANDA KOMANDASI DÜNYA ÇEMPİONATININ QALİBİ OLMUŞDUR
Bakı, 12 iyun (AZƏRTAC). İtaliyada gənclər və yaşlılar arasında uşu-sanda üzrə dünya çempionatı başa çatmışdır. Ölkəmizi yarışlarda Kunq-fu və Uşu-sanda Federasiyasının vitse-prezidenti Faiq Həsənovun rəhbərliyi altında 22 idmançı təmsil etmişdir.
Yarışlarda dünyanın 52 ölkəsindən 750 idmançı iştirak etmişdir. İdmançılarımız gənclərin turnirində 4 qızıl, 2 gümüş və 2 bürünc medal, yaşlıların turnirində isə 3 qızıl medal qazanmışlar.
Yığma komandamızın baş məşqçisi Ramil Allahverdiyev (56 kq) peşəkar idmançıların yarışlarında Rumıniya, İtaliya və İrandan olan rəqiblərini məğlubiyyətə uğratmış, səkkizqat dünya çempionu olmuşdur. Bundan əlavə, R.Allahverdiyev qızıl kəmərin sahibi olmuş, çempionatın əsas kubokuna layiq görülmüş və turnirin ən yaxşı idmançısı seçilmişdir.
Azərbaycan yığması Rusiya və İran yığmalarını geridə qoyaraq, birinci yerə çıxmışdır.
######
 |
 |
 |
 |
Bölmənin digər xəbərləri
