Azərbaycanın voleybol hakimi beynəlxalq təyinat alıb
Bakı, 24 noyabr, AZƏRTAC
Azərbaycanın beynəlxalq dərəcəli hakimi Fikrət Axundov Avropa Voleybol Konfederasiyasından (CEV) yeni təyinat alıb.
AZƏRTAC xəbər verir ki, o, qadın voleybolçuların Çelenc Kubokunda Yunanıstanın “Panionios” və Rumıniyanın “Korona Brasov” komandaları arasında keçiriləcək görüşün baş hakimi olacaq.
Matçda ikinci hakim funksiyasını isə makedoniyalı Vlatka Ristovski yerinə yetirəcək.
Qeyd edək ki, oyun noyabrın 25-də Yunanıstanda keçiriləcək.
Bölmənin digər xəbərləri
