AZƏRBAYCANLI ALİM YUNESKO-NUN BEYNƏLXALQ HİDROLOJİ PROQRAMI ÜZRƏ XIX SESSİYASINDA İŞTİRAK ETMİŞDİR
Paris, 12 iyul (AZƏRTAC). Fransanın paytaxtında YUNESKO-nun beynəlxalq Hidroloji Proqramı üzrə XIX sessiyası keçirilmişdir.
Tədbirdə Azərbaycanı Ekologiya və Təbii Sərvətlər Nazirliyi Hidrometeorologiya Elmi-Tədqiqat İnstitutunun direktoru, YUNESKO-nun Beynəlxalq Hidroloji Proqram üzrə Azərbaycan Milli Komitəsinin sədr müavini, professor Rza Mahmudov təmsil etmişdir.
Sessiyada Beynəlxalq Hidroloji Proqram üzrə Komissiyanın üzvlərinin və sədrin seçilməsi, müasir iqlim dəyişmələri fonunda dünyada yeraltı sulardan istifadə, transsərhəd çay hövzələrindən idarə etmə məsələləri müzakirə olunmuşdur.
Eyni zamanda, hidrologiya sahəsində elmi tədqiqatların aparılması və bu sahədə kadrların hazırlığı, quraqlığa, daşqınlara qarşı mübarizə tədbirlərinin görülməsi mövzularında da fikir mübadiləsi aparılmışdır.
Bölmənin digər xəbərləri
