AZƏRBAYCANLI UŞAQLAR UĞURLA ÇIXIŞ ETMİŞLƏR
Bakı Şəhər Mədəniyyət İdarəsindən AZƏRTAC-a bildirmişdir ki, hər il bir ölkədə keçirilən Beynəlxalq Delfiya Oyunları müsabiqəsində 18 ölkənin uşaqları iştirak etmişlər. Müxtəlif nominasiya üzrə yarışmalarda Azərbaycan məktəbliləri uğur qazanmışlar. Müsabiqədə iştirak edən 5 nəfər şagirddən 4-ü - Bakı şəhər Leopold və Mstislav Rostropoviçlər adına 21 saylı uşaq musiqi məktəbinin (UMM) şagirdləri Mustafa Aşurov (tar) qızıl medala, Zəhra Yusifli (fortepiano), Şəms Ağazadə (skripka) və Şökət Ələkbərova adına 20 saylı UMM-in şagirdi Zərqələm Cəfərova (kamança) isə yüksək ifaçılıq məharətinə görə diplomlara layiq görülmüşlər.
Müsabiqənin nominasiyaları üzrə qızıl medala layiq görülmüş qaliblərin Ukraynanın Milli Musiqi Akademiyasında keçirilən qala-konsertində Mustafa Aşurovun tarda ifa etdiyi “Qaytağı” əsərini tamaşaçılar böyuk maraqla və rəğbətlə qarşılamışlar.
Beynəlxalq Delfiya Oyunları müsabiqəsi gələn il Qazaxıstanda keçiriləcəkdir.
Bölmənin digər xəbərləri
