“Azəriqaz” 170 fərdi yaşayış evinin qaz təchizatı şəbəkəsinə çıxışını təmin edib
Bakı, 27 dekabr, AZƏRTAC
Biləsuvar şəhərinin Pərvin Əliyev küçəsi və RTS-PMK adlanan yaşayış massivlərində məskunlaşmış vətəndaşların qaz təchizatı şəbəkəsinə əlçatanlığının təmin edilməsi məqsədilə yeni çəkilmiş qaz xətlərinə mavi yanacaq verilib.
“Azəriqaz” İB-dən AZƏRTAC-a bildirilib ki, 13 min metrə yaxın müxtəlif diametrli polad borularla yerüstü qaz xətləri çəkilib, 2 ədəd qaztənzimləyici və 28 ədəd siyirtmə quraşdırılıb. Bununla da qeyd edilən ərazilərdə mövcud olan 170 fərdi yaşayış evinin qaz təchizatı şəbəkəsinə çıxışı tam təmin olunub.
Açılış mərasimində “Azəriqaz” İB-nin və Biləsuvar Rayon İcra Hakimiyyətinin rəhbər şəxsləri iştirak ediblər.
Bölmənin digər xəbərləri
