“Azəriqaz”ın Çağrı Mərkəzi sabah işləməyəcək
Bakı, 7 aprel, AZƏRTAC
Aprelin 8-də SOCAR-ın “Azəriqaz” İstehsalat Birliyinin (İB) 104/185 Çağrı Mərkəzinə zəng etmək mümkün olmayacaq. Profilaktik işlərdən irəli gələn bir sutkalıq fasilə ərzində abonentlərdən xahiş edirik ki, bu nömrələrə zəng etməsinlər.
AZƏRTAC xəbər verir ki, bunu İB-in Qəza Çağrı Xidməti şöbəsinin rəisi Xalidə Şimşək “Açıq qapı” aksiyasında jurnalistlərə açıqlamasında bildirib. Şöbə rəisi abonentlərin qaz təchizatında üzləşdiyi problemləri qurumun rəsmi saytı olan azeriqaz.az-a daxil olmaqla və ya (077) 3 104 104 vatsap nömrəsinə yazmaqla həllinə nail ola biləcəklərini vurğulayıb.
Tədbirdə çıxış edən Şikayətlərin araşdırılması şöbəsinin rəisi İbrahim Kərbalayev isə ilin ilk rübü ərzində daxil olan müraciətlərin sayını açıqlayıb. Qurum rəsmisi Şikayətlərin araşdırılması şöbəsinə 3 ay ərzində 3 min 442 müraciətin daxil olduğunu bildirib. Şöbə rəisinin sözlərinə görə, bu rəqəm ötən ilin analoji dövri ilə müqayisədə azdır.
Bölmənin digər xəbərləri
