“Azərpoçt”: Ötən il ərzində üç rəqəmsal layihə təqdim edilib
Bakı, 7 fevral, AZƏRTAC
“Azərpoçt” 2024-cü ildə rəqəmsal inkişafa xüsusi üstünlük verib. Ötən il ərzində üç rəqəmsal layihə təqdim edilib.
AZƏRTAC xəbər verir ki, bunu “Azərpoçt” MMC-nin İdarə Heyətinin sədri vəzifəsini icra edən İsi Mustafayev 2024-cü ilin maliyyə göstəriciləri ilə bağlı keçirilən brifinqdə deyib.
“Bunlardan birincisi hüquqi şəxslər üçün nəzərdə tutulan “İnternet Bankçılıq”, fiziki şəxslər üçün nəzərdə tutulan mobil tətbiq, kiçik və orta sahibkarlar üçün vacib əhəmiyyət daşıyan “Mobil POS” xidmətləri. Hər üç rəqəmsal həll öz istifadəçilərinə işlərini onlayn formada və sürətli həll etməyə kömək edir”, - deyə İsi Mustafayev əlavə edib.
“Azərpoçt”un cari ilin may ayında təşkil edəcəyi beynəlxalq Liderlər Forumu haqqında danışan İsi Mustafayev keçiriləcək forumun beynəlxalq poçt eko-sistemində qlobal inkişaf və əməkdaşlıqların həlli yollarının axtarışını nəzərdə tutduğunu vurğulayıb.
Bölmənin digər xəbərləri
