“AZERSUN HOLDİNQ” ŞİRKƏTLƏR QRUPU KİMSƏSİZ UŞAQLAR ÜÇÜN “YAY FƏSLİNDƏ ƏYLƏNCƏ PROQRAMLARI” KEÇİRİR
AZƏRTAC xəbər verir ki, “Azersun Holdinq” Şirkətlər Qrupu kimsəsiz və qayğıya ehtiyacı olan uşaqlar üçün “Yay fəslində əyləncə proqramları” hazırlamışdır. “Azersun”un əməkdaşları Mərdəkan qəsəbəsindəki 3 nömrəli uşaq evində fiziki və əqli cəhətdən şikəst uşaqların qonağı olmuş, 2 nömrəli uşaq evində ata-ana nəvazişindən məhrum uşaqları sevindirmişlər.
Kimsəsiz, qayğıya möhtac uşaqlarla görüşərək, dərdlərinə və kədərlərinə şərik olan, körpə qəlblərinə həyat sevinci aşılamağa çalışan holdinq əməkdaşlarının növbəti səfəri Quba rayonunun Zərdabi qəsəbəsində yerləşən uşaq evinə olacaqdır.
Sentyabrın 14-dək proqram 6 müxtəlif uşaq evində həyata keçiriləcəkdir.
