Badamdar sürüşmə sahəsində uçqun və töküntü proseslərinin dinamikasında artım qeydə alınıb
Bakı, 17 oktyabr, AZƏRTAC
Badamdar-20-ci sahə avtomobil yolunun sağ kənarındakı sürüşmə zonasında aparılan monitorinq və müşahidələrin saat 18:00-a olan nəticəsinə əsasən ərazidə gərginlik davam edir. Gün ərzində yağan yağış sürüşmə sahəsində uçqun və töküntü proseslərinin dinamikasında artıma səbəb olub.
Bu barədə AZƏRTAC-a Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisi, qərargah üzvü Kamran Nəsibov məlumat verib.
Mütəxəssis bildirib ki, sürüşmə sahəsinin sağ və sol hissələrində çatların genişlənməsi və irəliləməsi qeydə alınıb. Sürüşmənin qaş hissəsində də irəliləmə müşahidə olunub.
Bölmənin digər xəbərləri
