Badminton üzrə paytaxt birinciliyi təşkil olunacaq
Bakı, 9 fevral, AZƏRTAC
Azərbaycan Badminton Federasiyası və Bakı Şəhər Gənclər və İdman İdarəsinin birgə təşkilatçılığı ilə 2011-2012-ci il təvəllüdlü idmançılar arasında paytaxt birinciliyi keçiriləcək.
Federasiyanın mətbuat xidmətindən AZƏRTAC-a bildiriblər ki, fevralın 10-13-də 277 nömrəli idman təmayüllü məktəbin zalında keçiriləcək yarış uşaq badmintonçulara dəstək məqsədi daşıyır.
Yarış şəxsi, qoşa və qarışıq qoşa kateqoriyaları üzrə keçiriləcək.
Bölmənin digər xəbərləri
