BAĞDAD YAXINLIĞINDA TÜRK SÜRÜCÜLƏRİN CƏSƏDLƏRİ TAPILMIŞDIR

02.09.2004 [18:13]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Bağdadın şimalında iki türk sürücünün cəsədləri tapılmışdır. İraq polisi bildirmişdir ki, sürücülər sinələrinə atəş açılmaqla öldürülmüşlər. Polislərin dediklərinə görə, onlardan əlavə, Türkiyə vətəndaşı olması güman edilən daha bir adamın cəsədi tapılmışdır. Hazırda onun şəxsiyyəti müəyyənləşdirilir.

Sürücülərin cəsədləri sünni üçbucağı adlandırılan yerin mərkəzində aşkar edilmişdir. Bura koalisiya qoşunlarının hərbi qulluqçularına, onlarla əməkdaşlıq edən iraqlılara və xarici şirkət əməkdaşlarına hücumların ən çox qeydə alındığı yerdir.

Ötən ilin martında İraqda hərbi əməliyyatlar başlanandan indiyədək ölkənin avtomagistrallarında onlarca adam öldürülmüş və ya itkin düşmüşdür.