“Bakı Şəhər Turu” layihəsi çərçivəsində şəhər gəzintisi təşkil edilmişdir
Bakı, 25 noyabr (AzərtAc). Noyabrın 25-də “Baku City Tour - Bakı Şəhər Turu” layihəsinin həyata keçirilməsinin bir ili tamam olur.
Mədəniyyət və Turizm Nazirliyinin dəstəyi ilə Bakı Turizm İnformasiya Mərkəzi “Millenium Turizm Konqres DMC” ilə birgə Azərbaycanın turizm potensialının və mədəni irsinin daha geniş təbliğ olunması, eyni zamanda gənc tur bələdçilərin professional səviyyəsinin artırılması məqsədilə ötən ilin noyabrından etibarən “Baku City Tour - Bakı Şəhər Turu” layihəsi reallaşdırılır.
AZƏRTAC xəbər verir ki, bir ili tamam olan layihə ilə bağlı şəhər gəzintisi təşkil edilmişdir. Gəzinti “Azadlıq” meydanında başlamış və təqribən 5 saatdan sonra Azərbaycan Dövlət Akademik Opera və Balet Teatrının qarşısında bitmişdir. Ekskursiya rus, ingilis, fars və türk dillərində aparılmışdır. Layihəyə Azərbaycan Turizm İnstitutunun tələbələri də cəlb olunmuşlar.
Layihədə Bakıda fəaliyyət göstərən mehmanxanalar, restoranlar, turizm şirkətləri, nəqliyyat qovşaqları (avtovağzal, dəniz limanı, hava limanı, dəmir yol vağzalı) xarici ölkələrin nümayəndəlik və şirkətlərinin təmsilçiləri iştirak etmişlər.
Bölmənin digər xəbərləri
