Bakı Slavyan Universitetində soyqırımı qurbanlarının xatirəsi yad edilmişdir
Bakı, 1 aprel (AZƏRTAC), Bakı Slavyan Universitetinin (BSU) jurnalistika və Azərbaycan filologiyası fakültəsi elmi şurasının növbəti toplantısında “Armenii na Kavkaze ne bılo” (“Qafqazda Ermənistan yox idi”) sənədli filmi nümayiş olunmuşdur.
BSU-dan AZƏRTAC-a bildirmişlər ki. iclasda əvvəlcə 31 mart - azərbaycanlıların soyqırımı qurbanlarının əziz xatirəsi yad edilmişdir. Bildirilmişdir ki, filmin əsas üstünlüyü süjetin qərəzsiz və balanslı tarixi faktlara əsaslanmasıdır. Müəlliflər emosiyasız, şərhsiz, faktlarla İrəvanın tarixən Azərbaycan şəhəri olduğunu sübut etməyə nail olmuşlar. Müxtəlif dillərə tərcümə edilmiş filmin müəlliflərindən biri jurnalistika və Azərbaycan filologiyası fakültəsi Jurnalistikanın nəzəriyyəsi və təcrübəsi kafedrasının dosenti Şəlalə Həsənovadır.
Sonra “Qafqaz Tarixi Mərkəzi” tərəfindən çəkilmiş film nümayiş olunmuşdur.
Bölmənin digər xəbərləri
