Bakıda Azərbaycan-Türkiyə 8-ci yüksək səviyyəli hərbi dialoq iclası başlayıb
Bakı, 14 dekabr, AZƏRTAC
Dekabrın 14-də Bakıda Azərbaycan-Türkiyə 8-ci yüksək səviyyəli hərbi dialoq iclası işə başlayıb.
Müdafiə Nazirliyinin mətbuat xidmətindən AZƏRTAC-a bildiriblər ki, iclasda nümayəndə heyətləri siyasi-hərbi, maddi-texniki təminat və müdafiə sənayesində əməkdaşlıq üzrə yardımçı işçi qruplarında əməkdaşlığın cari vəziyyətini bir daha nəzərdən keçirəcəklər. Toplantıda, həmçinin qarşıda duran vəzifələrin yerinə yetirilməsi üçün əsas fəaliyyət istiqamətləri müzakirə ediləcək.
Hərbi dialoq çərçivəsində müzakirələrə dekabrın 15-də yekun vurulacaq.
Bölmənin digər xəbərləri
