BAKIDA CƏRRAHLARIN VƏ QASTROENTEROLOQLARIN BEYNƏLXALQ AVRASİYA KONQRESİ KEÇİRİLƏCƏKDİR
Mayın 15-də Bakıda cərrahların və qastroenteroloqların 9-cu Beynəlxalq Avrasiya konqresi işə başlayacaqdır. Səhiyyə Nazirliyinin mətbuat xidmətindən AZƏRTAC-ın müxbirinə bildirmişlər ki, konqres Azərbaycanda iki dəfə - 1997-ci və 2003-cü illərdə keçirilmişdir. Qırğızıstanda keçirilməli olan növbəti tədbir bu ölkədə baş verən siyasi hadisələrlə əlaqədar təxirə salınmışdı. Azərbaycan Səhiyyə Nazirliyinə müraciətdən sonra, növbədənkənar 9-cu konqresi respublikamızda təşkil etmək qərara alınmışdır. Konqresdə 23 ölkədən həkimlərin və alimlərin iştirak edəcəyi gözlənilir.
Bölmənin digər xəbərləri
