“Bank ABC” ilə sindikativ kreditləşmə ilə bağlı perspektivlər müzakirə olunub
Bakı, 17 noyabr, AZƏRTAC
Azərbaycan Mərkəzi Bankının (AMB) baş direktorları Fuad İsayev, Tərlan Rəsulov və Elrad Seydiyev “Bank ABC”nin (Arab Banking Corporation) ölkəmizdə səfərdə olan nümayəndə heyəti ilə görüşüblər.
AMB-dən AZƏRTAC-a bildirilib ki, görüş çərçivəsində maliyyə sektorunda əsas strateji hədəflər və qarşıdakı dövr üzrə təşəbbüslər, Azərbaycan bankları ilə müxbir münasibətlərin qurulması perspektivləri və banklararası əməliyyatların inkişafını dəstəkləyəcək layihələr, eləcə də kapital bazarlarının inkişafı istiqamətində nəzərdə tutulan tədbirlər müzakirə olunub.
Görüşdə, həmçinin sindikativ kreditləşmə ilə bağlı perspektivlər və bu istiqamətdə həyata keçirilən təşəbbüslər ətrafında fikir mübadiləsi aparılıb.
Bölmənin digər xəbərləri
