Banqladeşdə gün ərzində 1282 yoluxma aşkarlanıb
Pekin, 12 sentyabr, AZƏRTAC
Banqladeşdə ötən sutka ərzində COVID-19 virusuna 1282 yoluxma, bu virus səbəbindən 34 ölüm qeydə alınıb.
AZƏRTAC Banqladeşin Səhiyyə Xidmətləri üzrə Baş İdarəsinə istinadla xəbər verir ki, ölkədə virusa yoluxanların ümumi sayı 336 min 44 nəfərə, ölənlərin sayı isə 4702-yə çatıb.
Bildirilir ki, indiyədək virusa yoluxanların 70 faizi sağalıb, 1,4 faizi isə ölüb. Pasiyentlərin böyük hissəsi evdə və ya yaşadıqları yerlərdə müalicə alır.
Qeyd edək ki, Banqladeşdə COVID-19 infeksiyasına ilk yoluxma martın 8-də, ilk ölüm isə martın 18-də qeydə alınıb. Ölkədə ən çox yoluxma paytaxt Dəkkə, Çattoqram və Narayanqanc şəhərlərindədir. Hökumət yaşayış məntəqələrini yoluxma sayına görə qırmızı, sarı və yaşıl zonalara bölüb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
