“Barmek” Elektrik Şəbəkəsinin mətbuat xidmətindən AZƏRTAC-ın müxbirinə bildirmişlər ki, Azərbaycan Texniki Universitetinin elektrotexnika və energetika fakültəsini bitirən builki məzunlardan 100 nəfəri işlə təmin olunmuşdur. Onlar bir aylıq təlim kursu keçəndən sonra şirkətin rayonlarda yerləşən satış və istismar idarələrində öz ixtisasları üzrə işləyəcəklər. Şirkətin rəhbəri Hüseyn Arabul demişdir ki, “Barmek” bu xeyirxah missiyanı davam etdirmək niyyətindədir. Şirkət qarşıdakı tədris ilində Azərbaycan Dövlət Neft Akademiyasının müvafiq fakültəsini bitirəcək bir qrup məzunu da işə götürməyi planlaşdırmışdır.