Barselonada “GSMA” Mobil Dünya Konqresi öz işini yekunlaşdırıb
Madrid, 2 mart, AZƏRTAC
İspaniyanın Barselona şəhərində dörd gün davam edən ənənəvi mobil texnologiyalar forumu - “GSMA” Mobil Dünya Konqresi öz işini yekunlaşdırıb.
AZƏRTAC xəbər verir ki, 100 mindən çox iştirakçının qatıldığı tədbirdə mobil texnologiyalar sahəsində ən son yeniliklər nümayiş olunub. Forum çərçivəsində dünyanın aparıcı şirkətlərinin yeni məhsullarının təqdimatı da keçirilib. Koreyanın “Samsung” şirkəti yeni “Galaxy S9”, Yaponiyanın “Sony” korporasiyası isə “Xperia Z2” smartfonlarını təqdim ediblər. “Telefonica” və “Vodafon” kimi rabitə şirkətləri isə yeni nəsil 5G şəbəkəsinin üstünlüklərini nümayiş etdiriblər. Bu şəbəkənin tətbiqinə artıq cari ilin ikinci yarısında başlanılacaq. Bir çox şirkətlər isə istehsal etdikləri məhsullarda “süni intellekt”in tətbiqi ilə diqqəti cəlb etməyə çalışıblar.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
