“Bavariya” Noyerlə yeni müqavilə barədə razılıq əldə edib
Bakı, 13 may, AZƏRTAC
Almaniyanın “Bavariya” klubu qapıçısı Manuel Noyerlə yeni müqavilə barədə razılığa gəlib.
AZƏRTAC xarici mətbuata istinadən xəbər verir ki, 40 yaşlı qolkiperin sözləşməsinin müddəti 2027-ci ilin yayına kimi uzadılacaq. Tərəflər arasında tam razılıq əldə olunub. Noyerin illik maaşının isə təxminən 20 milyon avroyadək azaldıldığı bildirilib.
Müqavilənin mayın 16-da Bundesliqada “Köln”ə qarşı keçiriləcək mövsümün son ev matçına qədər imzalanacağı gözlənilir.
Qeyd edək ki, Manuel Noyer 2011-ci ildən “Bavariya”nın formasını geyinir. Təcrübəli qapıçı komanda ilə 13 dəfə Almaniya çempionu olub, 2 dəfə UEFA Çempionlar Liqasının qalibi adını qazanıb.
Bölmənin digər xəbərləri
