BAYRAM TƏDBİRİNDƏ UŞAQLARA GEYİM ƏŞYALARI HƏDİYYƏ OLUNMUŞDUR
Bugünkü tədbirdə aztəminatlı ailələrdən 100 uşağın iştirak etdiyini diqqətə çatdıran RUT-nin sədri, Milli Məclisin deputatı Gülər Əhmədova bayram münasibətilə uşaqları və onların ailə üzvlərini təbrik etmiş, uzun ömür, xoşbəxt həyat arzulamışdır. Dövlətimizin uşaq və gənclərə göstərdiyi diqqət və qayğısından, onların xoşbəxt, firavan yaşaması üçün yaradılmış şəraitdən danışan G. Əhmədova təşkilatın himayəsində olan minlərlə uşağın, eləcə də valideynlərin adından müqəddəs Ramazan bayramı münasibətilə Prezident İlham Əliyevə təbrik teleqramının göndəriləcəyini bildirmişdir.
Tədbirdə tanınmış müğənnilər şən mahnıları ilə uşaqlara sevincli anlar bəxş etmişlər.
Sonda uşaqlara geyim əşyaları hədiyyə olunmuşdur.
