BBC DÜNYA ÇEMPİONATININ OYUNLARINI İRİ EKRANLARA YAYIMLAMAQDAN İMTİNA ETMİŞDİR

14.06.2006 [11:30]
Çap et
A⁺ A^-

AZƏRTAC “Qardian” qəzetinin saytına istinadla xəbər verir ki, Bi-Bi-Si Teleradio Şirkəti dünya futbol çempionatı görüşlərinin London və Liverpulda qoyulmuş iri ekranlara birbaşa yayımını dayandırmağı qərara almışdır. Buna İngiltərə futbolçularının paraqvaylılara qarşı birinci görüşü zamanı baş vermiş iğtişaşlar səbəb olmuşdur.

Azarkeşlər öz komandasının oyunundan narazı qaldıqlarını belə ifadə etmişlər. Komandanın ilk görüşünü London rayonlarından birində 6 minədək azarkeş izləmişdir. Görüşün sonuna yaxın azarkeşlər əlbəyaxa olmuşlar. Nəticədə altı adam, o cümlədən 5 yaşlı oğlan uşağı xəsarət almışdır.

Liverpulda İngiltərə-Paraqvay oyununun gedişini 3 minədək futbol divanəsi izləmişdir. Sona yaxın azarkeşlər bir-birinin üstünə butulkalar, plastik stəkanlar atmış, partlanğıclar yandırmışlar. İğtişaşlar başlanan kimi görüşün translyasiyası dayandırılmış, azarkeşlər isə polislərin üstünə cummuşlar.

Mançesterdə toqquşmalar baş verməsə də, BBC orada da yayımları dayandırmaq niyyətindədir, çünki meydançaya, əvvəlcədən planlaşdırıldığı kimi, 8 min deyil, 12 min azarkeş gəlmişdir. Polislər ehtiyatlanırdılar ki, toqquşma başlansa, basabas yaranacaq və bu zaman çoxlu adam xəsarət ala bilər.

BBC DÜNYA ÇEMPİONATININ OYUNLARINI İRİ EKRANLARA YAYIMLAMAQDAN İMTİNA ETMİŞDİR

MÜƏLLİFLƏ ƏLAQƏ

Bölmənin digər xəbərləri