BƏDİİ GİMNASTİKA ÜZRƏ DÜNYA KUBOKUNUN MƏRHƏLƏ YARIŞI YÜKSƏK SƏVİYYƏDƏ KEÇİRİLMƏLİDİR
Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, Milli Olimpiya Komitəsinin prezidenti İlham Əliyevin dəstəyi ilə kompleksin bütün məşq korpusu təmir edilmişdir, otaqların və salonların hamısı beynəlxalq standartlara uyğundur. Burada gimnast qızlar üçün kifayət qədər salon, turnirlərin keçirilməsi üçün geniş meydança, hakimlər üçün otaqlar, rəsmi şəxslər və fəxri qonaqlar üçün lojalar, mətbuat mərkəzi, jurnalistlər üçün yerlər və mətbuat konfransı üçün salon var.
Lakin bəzi problemlər də mövcuddur. Məsələn, əsas meydançanın damının izolyasiyası yararsız vəziyyətdədir və onu təcili dəyişdirmək lazımdır.
Xatırladaq ki, avqust ayında burada bədii gimnastika üzrə dünya kubokunun mərhələ turniri yüksək səviyyədə keçmişdir və bunda Azərbaycan Gimnastika Federasiyasının prezidenti Mehriban Əliyeva başda olmaqla qurumun yeni rəhbərliyinin böyük xidməti olmuşdur.
Bölmənin digər xəbərləri
