BƏDİİ GİMNASTİKA ÜZRƏ ÖLKƏ BİRİNCİLİYİNİN QALİBLƏRİ MƏLUMDUR

14.11.2003 [18:18]
Çap et
A⁺ A^-

Milli Olimpiya Komitəsinin idman kompleksində bədii gimnastika üzrə Azərbaycan birinciliyi başa çatmışdır. Yarışlarda 20 idman ustalığına namizəd və bu fəxri ada artıq layiq görülmüş 4 gimnast iştirak etmişdir. Azərbaycan Gimnastika Federasiyasından AZƏRTAC-ın müxbirinə bildirmişlər ki, ustalığa namizədlərin çoxnövçülük yarışlarında Alina Trepina qalib gəlmiş (85,6 bal), ikinci yeri Anastasiya Prosolova (80,2 bal), üçüncü yeri isə Kristina Pavlunina (76,25 bal) tutmuşlar.

İdman ustalarının yarışları gərgin mübarizə şəraitində keçmişdir. Milli yığma komandanın üzvləri Dina Qorina ilə Valeriya Yeqay arasında mübarizə daha gərgin olmuşdur. 101,65 bal toplayan Qorina qalib gəlmişdir. Valeriya Yeqay - 98,5 balla ikinci yeri tutmuşdur. Bürünc medala 91,9 bal toplamış Vəfa Hüseynova layiq görülmüşdür.

Ölkə birinciliyini keçirməkdən əsas məqsəd qurtarmaqda olan ilə yekun vurmaq, habelə Azərbaycan yığma komandasının üzvlərini müəyyən etməkdir. Növbəti Azərbaycan çempionatı gələn ilin martında keçiriləcək, apreldə isə Bakı Dünya kuboku uğrunda yarışların növbəti mərhələsinin iştirakçılarını qəbul edəcəkdir.

BƏDİİ GİMNASTİKA ÜZRƏ ÖLKƏ BİRİNCİLİYİNİN QALİBLƏRİ MƏLUMDUR

MÜƏLLİFLƏ ƏLAQƏ

Bölmənin digər xəbərləri