BƏƏ kosmonavtı: Fəzada hələ də kəşf olunmalı və inkişaf etdirilməli çox iş var
Bakı, 5 oktyabr, AZƏRTAC
İllər keçdikcə yeni ölkələr kosmik qrupa qoşulur və bu, çox sevindiricidir.
AZƏRTAC xəbər verir ki, bunu 74-cü Beynəlxalq Astronavtika Konqresi çərçivəsində keçirilən mətbuat konfransında Birləşmiş Ərəb Əmirliklərinin (BƏƏ) kosmonavtı Hazza Əl Mənsuri söyləyib.
“Beş il öncə ABŞ, Rusiya və digər ölkələr bizə kosmik təlimlərin keçirilməsində kömək etdilər”, - deyən H.Mənsuri bildirib ki, kosmosda görüləcək işlər hələ çoxdur: “Ümid edirik ki, komandamıza qoşulan yeni ölkələr kosmosun kəşf edilməsində yaxından iştirak edəcəklər. Fəzada hələ də kəşf edilməli və inkişaf etdirilməli çox iş var".
Bölmənin digər xəbərləri
