BELARUS AZƏRBAYCAN İCMALARI KONQRESİ “FREEDOM HOUSE” TƏŞKİLATINA ETİRAZ EDİR
Bakı, 17 dekabr (AZƏRTAC). Belarus Azərbaycan İcmaları Konqresi mərkəzi ofisi Vaşinqtonda yerləşən “Freedom House” beynəlxalq hüquq müdafiə təşkilatının illik hesabatı ilə bağlı sözügedən quruma etiraz məktubu göndərmişdir.
Diasporla İş üzrə Dövlət Komitəsindən bildirmişlər ki, məktubda hərbi xuntanın rəhbərlik etdiyi Ermənistanın demokratik inkişaf yolunda inamla addımlayan Azərbaycanla müqayisə edilməsinə etiraz ifadə olunmuşdur.
Qeyd olunur ki, bir milyondan çox insanı öz yurd-yuvasından didərgin salmış, dəhşətli soyqırımı aktlarına imza atmış işğalçı Ermənistanla Azərbaycanın müqayisə edilməsi acı təəssüf doğurur.
Konqres beynəlxalq təşkilatların, dünya birliyinin Azərbaycanın ərazisi kimi tanıdığı Dağlıq Qarabağın “Freedom House” təşkilatının hazırladığı xəritədə “mübahisəli ərazi” kimi göstərilməsinə də öz kəskin etirazını bildirmişdir.
Bölmənin digər xəbərləri
