BELÇİKA HƏBSXANASINDAN 28 MƏHBUS QAÇMIŞDIR
AZƏRTAC-ın xüsusi müxbiri xəbər verir ki, şənbə günü Belçikanın şimalındakı Termond həbsxanasından məhbuslar kütləvi halda qaçmışdır. Həmin gün sübh tezdən iki məhbus üç gözətçini tərksilah etmiş, açarları ələ keçirərək kameraları açmış və məhbus yoldaşlarının bir hissəsini azad etmişdir. Sonra məhbuslar həbsxana divarlarını aşaraq aradan çıxmışlar. 200 məhbus qaçmaqdan imtina etmişdir.
Belçika rəsmilərinin fikrincə, əksəriyyəti keçmiş Yuqoslaviya, Polşa, Gürcustan və Baltikyanı ölkələrdən olan məhbusların bu addımını həbsxanadan kənarda fəaliyyət göstərən cinayətkar dəstə təşkil etmişdir.
Gündəlik “Le Suar” qəzeti həbsxanadan qaçmış 28 məhbusdan 7-sinin elə şənbə günü polis tərəfindən yaxalandığı barədə məlumat yaymışdır.
Bölmənin digər xəbərləri
