BƏLƏDİYYƏ SEÇKİLƏRİ DEMOKRATİK VƏ ŞƏFFAF KEÇİRİLƏCƏKDİR
Müşavirədə YAP Ağdam, Bərdə, Tərtər, Ağcabədi, Goranboy rayon təşkilatlarının sədrləri, fəalları, iqtidar partiyasını təmsil edən namizədlər iştirak etmişlər.
Bərdə Rayon İcra Hakimiyyətinin başçısı, YAP rayon təşkilatının sədri İlham Ağayev bələdiyyə seçkilərinə hazırlığın vəziyyəti, təşviqat materiallarının yerləşdirilməsi, təbliğat kampaniyası üçün hər bir namizədə bərabər şərait yaradılması və digər məsələlər haqqında danışmışdır.
YAP Siyasi Şurasının üzvləri, Milli Məclisin deputatları Aydın Mirzəzadə və Mirkazım Kazımov seçkilərin azad, demokratik, şəffaf keçirilməsi məsələlərinə toxunmuşlar. Onlar əmin olduqlarını bildirmişlər ki, bu seçkilərdə çoxluq təşkil edən YAP-ın namizədləri təbliğat kampaniyasını uğurla aparacaq, partiya bələdiyyə seçkilərində növbəti uğurunu qazanacaqdır.
Sonda seminar-müşavirə iştirakçılarını maraqlandıran suallara cavab verilmişdir.
Bölmənin digər xəbərləri
