Bərdədə “Kanon” aptekində nöqsanlar aşkarlanıb
Bakı, 5 aprel, AZƏRTAC
Qida Təhlükəsizliyi Agentliyi istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, tədbirlər çərçivəsində Bərdə rayonunun Ü.Hacıbəyli küçəsində yerləşən “Kanon” aptekdə aparılan monitorinq zamanı qida məhsullarının üzərində onlara xas olmayan təsir və ya xassələrinin qeyd edildiyi məlum olub.
Aptekdə “Herbaflora” əmtəə nişanlı hər birindən 1 ədəd olmaqla küncüt yağı (100 ml), alaqanqal yağı (100 ml), zəyərək yağı (100 ml), balqabaq yağı (100 ml), hər birindən 2 ədəd olmaqla zeytun yağı (100 ml), çaytikanı yağı (100 ml), 1 ədəd “Grano” əmtəə nişanlı kətan yağı (100 ml), 1 ədəd “Al Dawaa” əmtəə nişanlı qara zirə yağı (100 ml), 1 ədəd “UD Hindi” əmtəə nişanlı (100 ml) yağların etiket məlumatlarında müxtəlif müalicəvi xarakterli təsirlərin qeyd edildiyi aşkarlanıb.
Faktla bağlı qanunvericiliyə uyğun müvafiq tədbirlər görülüb, həmin məhsullar saxlanca qoyularaq dövriyyədən çıxarılıb.
Bölmənin digər xəbərləri
