BƏRDƏDƏ YARDIMÇI STANSİYA MODERNLƏŞDİRİLMİŞDİR
“Azərenerji” SC-nin mütəxəssisləri Bərdədə yerləşən 110 kilovotluq yardımçı stansiyanın modernləşdirilməsini başa çatdırmışlar.
Səhmdar cəmiyyətində AZƏRTAC-ın müxbirinə bildirmişlər ki, yaxın vaxtlarda bu stansiya yüksək gərginlikli elektrik ötürücü xətləri vasitəsilə yaxın vaxtlarda Ağcabədi rayonunda tikilən digər yardımçı stansiya ilə birləşdiriləcəkdir. 330\110 kilovolt gücündə olan bu obyekt Almaniyanın “Simens” şirkətinin fəal köməyi ilə tikilir.
Bərdədə yenidən qurulmuş stansiya indi Yevlax-1 və Yevlax-2 yardımçı stansiyalarının yüklənməsini azalmağa imkan verəcəkdir ki, bu da öz növbəsində Mingəçevir su elektrik stansiyasında transformatorun işinin səmərəliliyini artıracaqdır.
Bərdədəki yardımçı stansiyanın modernləşdirilməsi və Ağcabədidəki stansiyanın istifadəyə verilməsi yaxınlıqdakı digər rayonlarda da enerji təchizatını yaxşılaşdıracaqdır.
Bölmənin digər xəbərləri
