Beş avtomobildən ümumilikdə 1240 manat məbləğində pul və sənədlər oğurlayan şəxs tutulub
Bakı, 2 iyun, AZƏRTAC
Oğurluq etdiyinə görə tutulan şəxsin digər cinayət əməlləri törətdiyi məlum olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, oğurluq etdiyinə görə Səbail Rayon Polis İdarəsinin 41-ci polis bölməsinin əməkdaşları tərəfindən tutulan E.Şirinzadə ilə bağlı araşdırmalar aparılıb. Araşdırmalar nəticəsində onun rayon ərazisində beş avtomobildən ümumilikdə 1240 manat məbləğində pul və sənədlər oğurlaması da müəyyən edilib.
Faktla bağlı araşdırma aparılır.
Bölmənin digər xəbərləri
