Beş mehmanxana dərəcə sertifikatı alıb
Bakı, 1 iyun, AZƏRTAC
Mehmanxana və mehmanxana tipli obyektlərdə göstərilən xidmətlərin müvafiq tələblərə və standartlara uyğunluğunu yoxlamaq və müəyyən etmək məqsədilə Mədəniyyət və Turizm Nazirliyi mehmanxanaların təsnifatını aparır.
Mədəniyyət və Turizm Nazirliyi tərəfindən may ayında Bakı şəhərində fəaliyyət göstərən “Hilton Hotel Baku” mehmanxanasına 5 ulduz, Şamaxı rayonunda “Samaxı Palace Platinum by Rixos” mehmanxanasına 5 ulduz, Qəbələ rayonunda “Qafqaz Resort Hotel” mehmanxanasına 5, “Duyma” mehmanxanasına 4 ulduz, Mingəçevir şəhəri “River Side” mehmanxanasına isə 4 ulduz dərəcə sertifikatları verilib.
Nazirlikdən AZƏRTAC-a bildirilib ki, bununla da respublika ərazisində təsnifatdan keçmiş mehmanxana və mehmanxana tipli obyektlərin sayı 80-ə çatıb.
Bölmənin digər xəbərləri
