“BƏŞƏRİYYƏTİN AZƏRBAYCANLI DAHİSİ”
Kitabda müəllifin son illərdə “Azərbaycan” qəzetində dərc olunmuş məqalələri toplanmışdır. Ümummilli liderimiz Heydər Əliyevin Azərbaycan xalqı və dövləti naminə fəaliyyətinin mühüm məqamlarını təhlil edən, yeni dövlət quruculuğu istiqamətində ölkədə aparılan islahatların mahiyyətini sadə dildə oxuculara çatdıran İlqar Qılıcov bu yazılarda Azərbaycanın inkişafı və gələcəyi üçün Heydər Əliyev siyasətinə alternativ olmadığını əsaslandırmışdır.
Kitabda Azərbaycan tarixinin parlaq şəxsiyyətlərlə zəngin olduğunu xatırladan müəllif Heydər Əliyevin milli və bəşəri qüvvə olduğunu göstərir. Müəllifə görə, milli olmayan bəşəri sayıla bilməz. Heydər Əliyev fəaliyyətinin birinci mərhələsində nəinki Azərbaycanı iqtisadi cəhətdən inkişaf etmiş respublikalar sırasına çıxardı, eyni zamanda Azərbaycan xalqını totalitar düşüncə tərzindən kənarda saxladı, imperiya siyasətinə müxalif mədəniyyət xadimlərimizi mühafizə etdi, azərbaycançılıq ideologiyasının əsasını qoydu.
Görkəmli dövlət xadimi Heydər Əliyevin müstəqillik illərindəki xidmətlərindən söhbət açan müəllif yazır ki, xalqın təkidli tələbi ilə hakimiyyətə qayıdan ulu öndərimiz qurub-yaratdığı abad Azərbaycandan əsər-əlamət görmədi. Heydər Əliyev Azərbaycanı böhran vəziyyətindən çıxarmalı, üstəlik, yeni ictimai formasiyaya keçid şəraitində Avropa standartlarına uyğun yeni müstəqil dövlət qurmalı, zorla cəlb edildiyimiz müharibəni dayandırmalı, xalqın rifahını yaxşılaşdırmalı idi. Bu, qeyri-adi missiya idi və böyük öndərimiz hüquqi, dünyəvi, demokratik dövlət quruculuğu istiqamətində ölkəmizin həyatının bütün sahələrində islahatlar apararaq həm regionun, həm də Avropanın maraqlarına xidmət etdi. Müəllifin fikrincə, tarixin xüsusi bir anında hakimiyyətə gələn və Azərbaycanın adını öz adı ilə bərabər ucaldan Heydər Əliyev ölkəmizdə əbədiyaşarlıq haqqı qazanmışdır. Heydər Əliyevin irsi artıq bütün dünyanın sərvətinə çevrilmişdir.
Bölmənin digər xəbərləri
