Beynəlxalq Kimya Olimpiadasında ölkəmizi dörd şagird təmsil edəcək
Bakı, 17 mart, AZƏRTAC
Təhsil İnstitutunun Təhsil Texnologiyaları Mərkəzində Beynəlxalq Kimya Olimpiadasına seçmə imtahanı təşkil olunub.
İnstitutdan AZƏRTAC-a bildirilib ki, seçmə imtahanı nəticəsində olimpiadada ölkəmizi təmsil edəcək milli komanda üzvləri müəyyənləşdirilib. Belə ki, Türkiyə Dəyanət Vəqfi Bakı Türk liseyinin XI sinif şagirdi Dəniz Səttarlı və X sinif şagirdi Nihad Hacızadə, Bakı şəhəri Fizika, riyaziyyat və informatika təmayüllü liseyin XI sinif şagirdi Selcan Şəfizadə, Gəncə şəhəri Fizika, riyaziyyat və informatika təmayüllü liseyin XI sinif şagirdi Həmid Xəlilov olmaqla, ümumilikdə dörd şagird olimpiadada ölkəmizi təmsil edəcək.
Bölmənin digər xəbərləri
