Beynəlxalq konfransın iştirakçıları Xocalı faciəsi qurbanlarının xatirəsinə ucaldılmış abidəni ziyarət etmişlər
Bakı, 23 fevral (AZƏRTAC). Ermənistanın silahlı birləşmələrinin 21 il əvvəl -1992-ci il fevralın 25-dən 26-na keçən gecə Azərbaycanın Xocalı şəhərində bəşəriyyət tarixində ən qanlı faciələrlə bir sırada duran Xocalı soyqırımını törətmişlər.
Azərbaycan vətəndaşları, eləcə də xarici ölkələrdəki sülhsevər insanlar hər il fevral ayında Xocalı soyqırımı qurbanlarının xatirəsini ehtiramla yad edir, bu qanlı cinayəti törədənləri qətiyyətlə lənətləyirlər.
AZƏRTAC xəbər verir ki, Qaradağ Rayon İcra Hakimiyyətinin və Yeni Azərbaycan Partiyasının birgə təşkilatçılığı ilə “Xocalıya ədalət” kampaniyası: siyasi-hüquqi qiymətləndirmədə beynəlxalq əməkdaşlıq və həmrəylik” mövzusunda beynəlxalq konfransın iştirakçıları fevralın 23-də Bakının Xətai rayonunda Xocalı faciəsi qurbanlarının xatirəsinə ucaldılmış abidənin önünə gül dəstələri düzmüş, şəhidlərimizin xatirəsini ehtiramla yad etmişlər.
Bölmənin digər xəbərləri
