Bəzi tibbi tullantılar xüsusi qaydada toplanıb zərərsizləşdirilməlidir
Bakı, 10 fevral, AZƏRTAC
Tibbi tullantıların müəyyən hissəsi digər tullantılardan ayrı toplanaraq zərərsizləşdirilməlidir. Dörd tip tibbi tullantı var və onların hamısı zərərli deyil. Həmin tullantıların bəziləri ümumi məişət tullantıları ilə birgə toplanıb utilizasiya olunur. Lakin bir sıra tibbi tullantılar var ki, xüsusi qaydada toplanmalı, onun üçün xüsusi yerlər ayrılmalı, xüsusi paket və qablaşdırma, saxlanma yerləri, daşınması üçün xüsusi avtomaşınlar ayrılmalı, utilizasiyası üçün bu sahədə lisenziyası olan təşkilatlara təhvil verilməli və onlar ətraf mühit və insan sağlamlığı üçün təhlükəsiz şəkildə utilizasiya olunmalıdır.
AZƏRTAC xəbər verir ki, bunu ekologiya və təbii sərvətlər nazirinin müşaviri Rasim Səttarzadə nazirliyin feysbuk səhifəsində yayımlanan “Ekspert saatı”nda deyib.
R.Səttarzadə qeyd edib ki, ölkəmizdə həmin tullantıların idarə olunması sahəsində fəaliyyətin təkmilləşdirilməsi üçün ciddi səylər göstərilir.
Bölmənin digər xəbərləri
