“Bibiheybətneft” NQÇİ-nin ərazisində yeni suvarma sistemləri quraşdırılır
Bakı, 3 oktyabr (AZƏRTAC). “Ekol Mühəndislik Xidmətləri” Qapalı Səhmdar Cəmiyyəti (QSC) “Bibiheybətneft” NQÇİ-nin mədən ərazilərində damcı suvarma sistemlərinin quraşdırılmasını davam etdirir.
QSC-dən AZƏRTAC-a bildirmişlər ki, “Bibiheybətneft” NQÇİ-nin mədən ərazisindəki 43 hektarlıq sahədə 48 mindən çox müxtəlif növ bitkiyə aqrotexniki xidmət göstərilir. “Bibiheybətneft” NQÇİ-nin geocoğrafi xüsusiyyətləri nəzərə alınaraq, 3,4 hektar sahədə damcı suvarma sistemi quraşdırılıb istifadəyə verilmişdir.
İlin sonunadək daha 10 hektar sahədə bu sistemin quraşdırılıb başa çatdırılması nəzərdə tutulmuşdur.
Bölmənin digər xəbərləri
