Bir ay ərzində qanunsuz ov edən 35 nəfər saxlanılıb
Bakı, 17 fevral AZƏRTAC
Ekologiya və Təbii Sərvətlər Nazirliyinin əməkdaşları tərəfindən bu ilin yanvar ayı ərzində ölkə ərazisində keçirilən reydlər zamanı qanunsuz ovla məşğul olan 35 nəfər saxlanılıb.
Nazirliyin mətbuat xidmətindən AZƏRTAC-a verilən məlumata görə, onlardan 35 ov tüfəngi, 105 patron və ovlanmış 2 quş götürülüb. Bundan başqa, 27 qanun pozucusu barəsində akt və protokol tərtib olunaraq ümumilikdə 30500 manat məbləğində cərimə tətbiq edilib. Sənəd təqdim etməyən 8 təqsirkar şəxs barəsində isə tədbir görülməsi, şəxsiyyətlərinin müəyyənləşdirilərək qanunvericiliyə uyğun qaydada məsuliyyətə cəlb edilməsi məqsədilə aidiyyəti rayon polis şöbələrinə müraciət olunub.
Bölmənin digər xəbərləri
