Bir sıra şirkətlər turizm fəaliyyəti ilə məşğul olmaq üçün lisenziya alıb
Bakı, 5 dekabr, AZƏRTAC
Mədəniyyət və Turizm Nazirliyi Azərbaycan Respublikası Prezidentinin 2002-ci il 2 sentyabr tarixli Fərmanı ilə təsdiq olunmuş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”a və digər normativ-hüquqi aktlara əsaslanaraq noyabr ayında bir sıra şirkətlərə turizm fəaliyyəti ilə məşğul olmaq üçün lisenziyalar verib.
Nazirliyin mətbuat xidmətindən AZƏRTAC-a bildiriblər ki, “Tour De World”, “ABDU-TRAVEL”, “Fly-İnn”, “Five Star Travel”, “Air Tour”, “Crystal Travel”, “Royal Travels and Services” MMC-lər turizm fəaliyyəti ilə məşğul olmaq üçün lisenziya alıb.
Bununla da respublika ərazisində xüsusi razılıq əsasında fəaliyyət göstərən turizm şirkətlərinin sayı 272-yə çatıb.
Bölmənin digər xəbərləri
