Birləşmiş Ştatların neft ehtiyatları azalır
Bakı, 8 aprel, AZƏRTAC
ABŞ-ın xam neft ehtiyatları azalıb.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 3,5 milyon barrel (0,7 faiz) azalaraq 498,3 milyon barrel olub. Bazar proqnozları ehtiyatların 1,32 milyon barrel azalacağı istiqamətində idi. Əvvəlki həftə neft ehtiyatları 900 min barrel azalmışdı.
ABŞ-ın strateji neft ehtiyatları isə dəyişməyərək 637,8 milyon barrel olub.
Ölkənin benzin ehtiyatları hesabat həftəsində 4 milyon barrel artaraq 234,6 milyon barrel təşkil edib. Bazar proqnozları da ehtiyatların artacağı istiqamətində idi. Benzin ehtiyatları əvvəlki həftə 1,7 milyon barrel azalmışdı.
Bölmənin digər xəbərləri
