Bolqarıstan-Serbiya interkonnektorunun inşasına başlanılıb
Belqrad, 1 fevral, AZƏRTAC
Serbiya və Bolqarıstan təbii qaz boru kəmərinin tikintisinə başlayıblar.
AZƏRTAC xəbər verir ki, bununla bağlı keçirilən mərasimdə Serbiya Prezidenti Aleksandr Vuçiç və Bolqarıstan Prezidenti Rumen Radev, eləcə də digər rəsmilər iştirak ediblər.
Bunun Serbiya, Bolqarıstan və bütün region üçün mühüm hadisə olduğunu qeyd edən A.Vuçiç ölkələri, millətləri və iqtisadiyyatlar birləşdirməyə davam etdiklərini vurğulayıb. O, interkonnektorun Serbiyanın qaz nəqli marşrutlarını şaxələndirmək məqsədilə inşa olunduğunu, enerji təhlükəsizliyi və yeni investisiyalara töhfə verəcəyini bildirib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
